31.8 C
Manila
Friday, April 12, 2024

MAHARLIKA NATION NAGPLASTAR ISIP IKA-196 NGA NASUD SA KALIBUTAN

- Advertisement -

Gihikay karon ang tanang mga papeles ilabina ang pagkilaya sa Maharlika Nation isip ika-196 nga nasud sa kalibutan.

Sa press conference nga ilang gipatawag niadtong Biyernes Enero 17 sa hapon didto sa Sitio Atuyay, Brgy.Sering, Socorro, Bucas Grande Islands, nanawagan ang mga opisyales sa gitawag ug Maharlika Nation nga tabangan aron maangkon ang kahingpitan sa pag-ila isip nasud nga mas karaan pa kaysa pangalang Pilipinas inay bugalbugalan, tamayon o pasipad-an ang pagpundar niini.

Giila nilang New Jerusalem, ang capital sa Maharlika Nation. Sa pagsaysay ni Atty. Vicente Gonzales Jr. o Datu Bontito Leon Kilat, International Chief Judge ug Customary Lawyer nga dapat ilhon ug respitohan ang Customary Law alang sa mga lumad pinasikad sa RA 8371, balaud nga nag-ila, nanalipod ug nag promote sa katungod sa indigenous cultural communities ug indigenous peoples.

Gipaklaro usab ni Atty. Gonzales nga ang pag imprenta ug pag engrave sa currency nga G Zion isip legal tender dili na kinahanglan ug pagtugot sa Central Bank.

“Ang kasaysayan sa nasud Maharlika nagbasi sa kasaysayan nga dugay nang nasulat sa atong mga kaapuhan wala pa ang mga Katsila moanhi sa atong yutang natawhan. Ang Maharlika Nation maoy dapat ngalan sa Republic of the Philippines.”

Niadto duna nay gobyerno, ang Datu ug Raha maoy mga lider nga may gahum sa execution, legislation, judiciary ug military commander panahon nga dunay giyera. Hangtud na colonize ang atong dapit ug ginganlan nga Pilipinas pagbuot sa Espanya, si Leon Kilat usa sa mga nangulo sa 1898 revolution batok mga Katsila.

“Niadtong Dec. 30, 1898 may gobyerno na sa Cebu ug sa tuig 1899 ang mga Amerikano misulod sa Sugbu ug gi dismantle ang composition sa mga opisyal nga ang Gobernador si Luis Flores ug gipuli si Lorente. Ang nitibong kagamhanan niadto napadpad sa Atuyay, Socorro, Bucas Grande Islands, Surigao del Norte.”

Sa pagkakaron gihunong una ang pagpanghatag sa International Tribal Bank sa G Zion currency ug giawhagan ang mga nakadawat niini nga tipigan. Giklaro nila nga pagkamatarong ang buhaton sa nakadawat. Plano sa mga kadagkuan nga bisitahan ang mga dapit apil ang paghatag hinabang sa mga kabus nga nanginahanglan. Tumong ug tuyo sa Maharlika nation nga dili na maglisod ang katawhan nga kinahanglan kining tabangan.

Bisan sa maong announcement, daghan gihapong mga tribal leaders ang miduaw sa lugar. Giklaro sa Maharlika Nation nga walay ilang pagpangolekta ug bayad nga 3mil pesos sa matag Maharlikan. Pagpangdaut lamang kini sa mga nasina kanila.

Gipaabot usab nila ang paghidangat sa 200 mil sakong bugas nga modunggo sa Socorro aron kini ipanghatag. Ang Mawa Agro Suppliers gikan sa Northern Cape, South Africa ang sumala pa miila na sa G Zion currency dihang gidawat niini ang bayad nga 287,500 G Zion alang sa 25 metric tons nga Basmati Rice Grade A.

Ang Sitio Atuyay sakop sa Brgy. Sering, lungsod sa Socorro nga may pito ka kilometros ang kalayoon gikan sa poblacion sa lungsod. (RPN DXKS)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -