Nadiskobrehan na lamang sa igsoon sa biktima nga waya nay kinabuhi ang iyang manghod. Kini human naghikog sa CR suyod sa ila bayay nga diskobrehan sa may alas 8:10 ang takna sa gabie kagahapong adlawa sa P-3 Extension, Brgy. San Juan, Surigao City.
Naila ang biktima nga si NATHANIEL GO DETUYA, 22 anyos, ulitawo, isa ka criminology student, residente sa P-5 Brgy. Cantiasay, Surigao City.
Sa imbestigasyon sa kapulisan ngadto na kay NOE G. DETUYA igsoon sa biktima nasayran nga pag abot niya sa ilang laing panimalay sa P-3 Extension, Brgy. San Juan, iya na lamang nakit.an nga nagluhod ug aduna nay hikot sa iyang liog gamit ang isa ka nylon cord.
Daling mitawag ang igsoon sa ERS apan pag-abot sa nahisgutang mga personahe, gisulayan pa kini sa pag revived apan waya nay kinabuhi ang biktima. Dugang pa sa imbestigasyon sa waya pa maghikog ang biktima, aduna pay mga text messages sa iyang uyab nga nangayo pa kini ug pasaylo ngadto kaniya ug dili na nija kaya ang ija problema.
Sa pag-imbestigar usab sa uyab nasayran nga nahadlok daw ang biktima sa iyang amahan nga dili makagraduate karon nga tuig nga miresulta sa posibling pagkutlo sa iyang kinabuhi. (Mark James Lisondra, Ronda 21 RPN DXKS)
