Napukaw ang pagpahulay pa sa daghang katawhan dihang mitay-og ang magnitude 5.7 nga linog sa Capoocan, Leyte sayo gahapon sa buntag.
Sumala pa sa Philippine Institute of Volcanology & Seismology kun Philvocs, nakita ang epicenter sa linog sa gilay-ong walo ka kilometro amihanang kasadpan sa Capoocan.
Natala ang pagtay-og nianang alas 5:19 sa buntag nga tectonic ang tinubdan ug adunay giladmong 13 ka kilometro.
Nabatyagan usab ang linog sa intensity 5 sa Tacloban City ug Pastrana, Leyte; intensity 4 sa Palo ug Ormoc City, Leyte; Naval, Biliran ug Borongan City, Eastern Samar.
Matod sa Philvocs, nakatala usab silag intensity 2 sa Bogo City, Cebu samtang intensity 1 pod sa Masbate ug Roxas City.
Hinuon, walay gikatahong kadaot nga nahatag ang naasoyng katalagman.