Aprobado na sa Land Transportation Office sa Northern Mindanao ang advance nga pagrenew sa vehicle registration duha ka bulan sa dili pa ang expiration aron malikayan ang penalties. Matud pa ni LTO-10 Director Nelson Manoloto nga ang maong lakang nauyanan tungod sa isyu sa testing centers nga maoy hinungdan nga nadelatar ang pagparenew sa registration.
Kahinumduman nga sa miaging semana, gidala kini nga concern ni Cong. Rufus Rodriguez sa ikaduhang distrito ning dakbayan tapos siya nakadawat sa daghang reklamo sa mga nanag-iya sa sakyanan nga nakabayad sa penalty gumikan sa late registration, nga diin dili ilang sa sayop. Mao nga si Cong. Rodriguez nisang-at sa Resolution 742 diin iyang gidala kining maong reklamo kabahin sa pagkadekatar sa dili moubos duha ka semana tungod sa kakulangan sa emission testing centers nga akreditado sa Department of Transportation (DOTr).
Gisugilon ni Manaloto nga sa 14 ka emission testing centers sa entire rehiyon 10, unom lamang ang nagpadayon sa pag-operate tapos ang uban nasuspenso o narevoke gumikan sa mga violations. Apan gisugilon ni Rodriguez nga wala untay kanselasyon kon walay alternatibo.
Gidugang usab ni Cong. Rodriguez nga unta ang DOTr angayan manubag sa ilang pag-cancel sa mga emission testing centers bisan pa man nga walay pagpang-approve nga ilang gihimo labot sa maong mga centers.