LTFRB umapela sa publiko na ‘wag matakot magbigay ng impormasyon para sa contact tracing

Umapela ang Land Transportation Franchising and Regulatory Board (LTFRB) sa publiko na huwag matakot magbigay ng tamang impormasyon sa mga otoridad.

Ito ang naging panawagan ni LTFRB Chairman Martin Delgra, kung saan sinabi nito na dapat ibigay ng mga pasahero ang tamang impormasyon para makatulong sa contact tracing.

Sa ilalim ng general community quarantine (GCQ), inatasan ng LTFRB ang mga drivers ng mga pampasaherong sasakyan na kuhanin ang contact details ng mga pasahero.