Davao Oriental – Nagkahiusa ang kadagkuan sa 701st Infantry Brigade kauban ang mga nagkadaiyang stakeholders sama sa Department of Agriculture, Provincial LGU sa Davao Oriental, Local Government Unit sa Lupon alang sa usa ka pinasahe nga aktibidad ug Programa sa komunidad kagahapong adlawa.
Malioayon ang mga residente sa Sitio , Brgy. Maragatas, Lupon, Davao Oriental gumikan sa gilusad nga Launching sa Oyster Mushroom Cultivation alang sa Logdeck Farmers Association kun (LFA).
Tumong sa nahisgutang programa nga mapalig on ang suporta sa Kagamhanam ngadtu sa nagkadaiyang Peoples Organization ilabi na sa Logdeck Farmers. Association.
Sumala pa ni Jesriel Hemado, President of Logdeck Farmers Association nga dako niyang kalipay uban sa iyang mga sakop ang pagdawat nahisgutang proyekto. Gituuhan niini nga dako ug tabang kanila nga mga mag uuma aron mapalig on pa ang ilang asosasyon.
Tungod niini, gipasalamatan sa Logdeck Farmers Association ang Kagamhanan sa pagpanguna sa 701st Infantry Brigade kauban ang Provincial LGU dungan ang panaad nga palig unon pa ug palambuon ang nahisgutang proyekto alang usab sa mga miyembro sa asosasyon.
Ang nahisgutang proyekto kabahin lamang gihapon sa gipatuman nga Executive Order number 70 ni Presidente Rodrigo Duterte kun Whole of the Nation Approach nga mga programa ug proyekto alang sa nagkadaiyang Peoples Organization sa Nasud.
(CMO 701st Brigade, DPAO & OIC Michael Manguhig, RPN DXKT Davao)
