Nahimong nagmalamposon ang pagpahigayon sa pagpinermahay nan loan agreement tali na sa dakbayan sa Surigao pinaagi na ni city mayor Estong Matugas iban na isab sa mga myembro nan Sangguniang Panlungsod sa pagpanguyo na ni city vice mayor Nitoy Matugas sanan nan Landbank of the Philippines pinaagi na ni Mr. Charlito Arquion, Manager.
An amo na loan ang gamiton sa pagpamalit nan mga heavy equipment para na sa mga nagkadaiyang proyekto sa dakbayan ilabina sa mga ka barangayan diin ini mukabat sa kapin 140M ka pesos.
An amo na pagpinermahay nahitabo petsa 2 ning buyan nan Hulyo 2021 sa city mayor’s conference room sanan tagsaksihan sa mga hepe nan mga departamento sa syudad nan Surigao.
(Source: Surigao City PIO Facebook page)