Lima ka mga indibidwal ang nadakpan sa nagkalainlaing anti-illegal gambling operations nga gipahigayon sa mga kapulisan sa Cagayan de Oro City tungod sa giingong pag-apil sa ilegal nga numbers game nga Swertres, paglapas sa R.A. 9287 ug P.D. 1602.
Ang mga nadakpan mao sila:
Alyas “Ward,” 33 anyos, nadakpan alas 7:45 sa gabii sa Hunyo 7 sa Parola. Alyas “Wel,” 40 anyos, nadakpan alas 6:40 sa gabii sa Hunyo 8 sa Piaping Itum. Alyas “Ren”, 43 anyos, nadakpan alas 6:10 sa gabii sa Hunyo 8 sa Zone 4, Pasil. Alyas “Raf”, 32 anyos, security guard, nadakpan alas 6:45 sa gabii sa Hunyo 8 sa Zone 10, Upper Carmen. Ug, Alyas “Cruz” 42 anyos, construction worker, nadakpan alas 7:20 sa gabii sa Hunyo 8 sa PN Roa.
Sumala sa kapulisan, ang mga suspek nasakpan nga direktang nag-accommodate og mga mananaya sa ilegal nga Swertres operation atol sa magkahiusang operasyon sa nagkalainlaing police stations ug intelligence units.
Ang tanang nadakpan gipahibalo sa ilang mga katungod ug gikustodiya sa mga kapulisan samtang giandam ang pagsaka sa kasong paglapas sa R.A. 9287 (Anti-Illegal Numbers Game Law).
Samtang, si Cruzken Eduave anaa karon sa Maharlika Custodial Facility samtang gihuman ang proseso sa pagsampa sa kaso batok kaniya.
Nagpadayon ang kampanya sa kapulisan batok sa ilegal nga sugal aron mapugngan ang mga kalihokang supak sa balaod ug mapalig-on ang kalinaw ug kahapsay sa komunidad.
via Cheleste Simene – Jomaya