Cebu City – Nagkasabot ang mga Local Chief Executives(LCE’s) sa Cebu Island nga mosunod sa guidelines nga gilatid sa National Covid-19 Inter Agency Task Force alang sa classification ubos sa Modified Enhanced Community Quarantine (MECQ), human sa usa ka emergency meeting kagahapon, Biyernes, Hulyo 30, 2021.
Nangulo sa maong panagtigom si Office of the Presidential Assistant for the Visayas Secretary Michael Lloyd Dino sa mga LCE’s sa Sugbo pipila ka oras homan ang National Government mipa ubos sa tibook Cebu Island sa MECQ.
Gitambongan kini nila ni Cebu Governor Gwendolyn Garcia, Cebu City Acting Mayor Michael Rama uban ni Councilor Raymond Garcia, Mandaue City Mayor Jonas Cortes ug Lapu-Lapu City Mayor Junard Chan.
Lakip sa mga mitambong si Visayas Chief Implementer Gen. Mel Feliciano, Department of Health (DOH) 7 nga gi representahan ni Dr. Junjie Zuasola-RESU ug Chief Mary Jean Loreche, Dr. Gerardo Aquino sa Vicente Sottoe Memorial Medical Center
Mitambong sab ang Police Regional Office (PRO) 7 nga gi representahan ni PCol. Roderick Minong-ARDO, Project Balik Buhay Chairman Edmun Liu, Regional Development Council (RDC) 7 Chair Kenneth Cobonpue.
Mapasalamaton si Dino sa tanang nga LCEs sa highly urbanized cities sa Cebu ug kang Governor Garcia sa pagtambong sa maong emergency meeting.
Si Rama sa iyang bahin, mihatag ug assurance nga ang public transport padayon nga operational, abli ang mga patigayon ug magpadayon ang vaccinations bisan sa ipatuman nga mas istrikto nga quarantine restrictions sa Syudad sa Sugbo sa mosunod nga duha ka semana.
Sayo niini, mipadayag ug hiniusang pagsupak sa ipatuman nga lockdown ang mga LCEs sa Cebu Island.
Unang gi rekomenda ang MECQ sa syudad sa Lapu-Lapu ug sa Mandaue, hangtud nga tibook Sugbo na ang deklara kagahapon nga mo epekto sa Agosto 1 hangtud sa 15, 2021.
Hinoon, duna pay kahigayonan nga maka apelar sa maong quarantine classification.
Parehong mi apelar sila si Chan ug Cortes samtang si Rama dili mo apelar nga mag binugtong kundi isip usa ka tingog sa Cebu Island ang iyahang bout mahitabo.
(Jhon Tadlip)
(News & photos courtesy of Office of the Presidential Assistant for the Visayas | LCEs)