Saturday, May 18, 2024

Latter-Day Saints Charities Nanghatag Og Linibo Ka Face Masks, Medical Gloves, PPE Suits Ug Face Shields Sa Probinsya Sa Sarangani, Samtang Municipal Isolation Facility Sa Malapatan Gi-Abrihan Na

- Advertisement -

Personal mismong gidawat ni Governor Steve Chiongbian Solon ang donasyon nga gitunol bag-uhay lang sa dugay ng partner sa iyang Sulong Sarangani flagship program nga mao ang LDS kon Latter-Day Saints Charities.

Ang Latter-Day Saints Charities ang partner ng daan sa programa ni Governor Solon nga libreng gapanghatag og mga wheelchair ug prosthesis o artificial nga tiil sa mga PWD/person with disability dili lang sa taga-probinsya sa Sarangani, lakip na mga libro ug flash card reading materials alang sa pagpalambo pa sa edukasyon sa mga kabataan, apil na mga nindot nga tsinelas sa mga batang estudyante.

Ug karon nga pandemya, anaa gihapon ang LDS ga-ayuda sa Sarangani. Bag-uhay lang, gidawat ni Governor Solon ang ilang donasyon nga duha ka libo (2K) nga cloth face masks, 500 ka KN95 masks, 50 ka face shields, usa ka libo (1K) ka medical gloves, usa ka libo (1K) ka surgical masks, ug usa ka gatos (100) ka PPE kon personal protective equipment suit o hazardous material suit, ang ginasuot sa mga frontliner daw astronaut panagana nga dili matakbuyan sa Coronavirus.

Segun ni Mr. Alexander Benedicto, ang adviser sa public affairs sa LDS, ang ilang pag-ayuda sa Sarangani Province ning panahon sa pandemya ang dili lang kausa mahitabo matud pa kundili posible pa kining madugangan depende unya pohon sa sitwasyon.

Sa pikas nga bahin, sa nagpadayon nga pakigbatok sa COVID-19, gawas sa pormal nga pag-abri sa municipal isolation center sa lungsod sa Alabel, ang Alabel Ligtas COVID-19 Center, opisyal na usab nga gibuksan ang Malapatan Ligtas COVID-19 Center nikantidad og P3.4 Milyon ka pesos. Alalay kini sa Sarangani Provincial Hospital isip provincial isolation center.

Matud pa nila Mayor Jun Sumbo ug Vice Mayor Jean Delos Santos, ang ilang municipal quarantine and isolation facility ang kaya matud pa mudawat og dili muubos otsyenta (80) ka tao. Kumpleto na kini sa water system, aduna pay internet connection, mga CCTV camera aron ma-monitor ang mga kalihukan, ug separate building para sa holding ug testing area.

Sa maong okasyon, gitunol ni Governor Solon ang tseke balor og Tres Milyones ka pesos (P3M) alang sa padayong pag-ayuda sa Kapitolyo sa Sarangani ngadto sa munisipyo sa Malapatan. Giubanan si Governor Solon nila Board Member Joseph Calanao, Board Member Irish Arnado, Board Member Corazon Grafilo, Board Member Dr. Ruiz ug Assistant Provincial Administrator Engr. Gerald Faciol, sa pagsuporta nila Vice Governor Elmer De Peralta ug Senador Manny ug Congressman Ruel Pacquiao.

Samtang, laing pito (7) ka mga taga-Sarangani Province ang naka-recover sa COVID-19. Sa datus sa Department of Health, anaa na lang sa trese (13) ka mga taga-Sarangani ang naghulat sa negatibo nilang resulta sa ilang mga swab test gumikan singkwentay-tres (53) na kabuok mga Sarangan ang naka-recover sa Coronavirus.

Singkwentay-tres (53) na nga mga taga-Sarangani ang naka-recover sa COVID-19, trese (13) na lang ang nagpaabot sa ilang resulta. Apan dili gihapon mu-relax tungod daghan pang muabutay nga mga LSI ug OFW, padayong lang tumanon ang mga safety ug quarantine protocol.

(Source: Provincial Information Office-Sarangani Province)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -