Mamati ni Gob. Matthew Marcos Manotoc a narigat a maipangato ti “Quarantine Level” ti Ilocos Norte gapu iti bigla nga iyaadu ti kaso ti COVID-19 ditoy probinsia
Natangken ti takderna nga awan ti rumbeng a pakaalarmaan dagiti kakailian ti kaaddan ti tallo pulo ti nagpositibo ti COVID-19 ditoy probinsia.
Malaksid iti daytoy, inlawlawag ti gobernador akadagupan ti nasao a bilang ket maymaysa pay laeng ti nagpositibo a saan a naggapo iti ruar ti probinsia.
Iti baet daytoy, ibilangna a saan a maikunsiderar daytoy a “community transmission” gapu ta daytoy ket agpapaay iti “quarantine facility”.
Impalgakna nga adda dagiti “criteria” a pagbasaran ti Department of Health wenno DOH iti pannakaipangato ti “quarantine level” iti maysa a lugar ken ti napasamak iti probinsia ket saan nga umdas tapno maipangato ti “quarantine level” ti probinsia.
Impettengna nga adda payen dagiti ganuat nga impatungpal ti gobierno probinsial kas iti idadalan dagiti amin nga APOR ti ken Cargo ti “COVID-19 testing” no awan ti maipakitada a resulta ti COVIDÂ test sakbay a sumrekda ditoy probinsia.
Nupay kasta, mamati ti gobernador a pagrebbenganda nga opisial ti mangipalubos iti panagawid dagiti kakailian para iti pannakaipalubos kadakuada nga agnaed iti nataltalged a lugar iti Ilocos Norte.
Mainaig iti daytoy, kunana a kasapulan laeng ti pannakapatibker dagiti “quarantine measures” ken dagiti amin a “health protocol.
Nagpanawagan iti agtultuloy a panangipamatmat iti kinadisiplinado dagiti Ilocano babaen iti kanayon a panagusar iti “face mask” ken ti panangobserbar ti “social distancing”.
(Irene Ringor, RPN DZRL Batac Correspondent)
(Source: PGIN/CMO)