Nagtataka si dating Customs Commissioner at ngayo’y TESDA Director General Isidro Lapeña sa rekomendasyon ng National Bureau of Investigation (NBI) na kasuhan siya dahil sa nawawalang mahigit sa isandaang (100) container vans.
Binigyang diin ni Lapeña sa DWIZ na ginawa niya ang lahat ng dapat gawin matapos madiskubre ang anya’y sindikatong nagpapalusot ng container vans sa Bureau of Customs.
Sa katunayan, umabot aniya sa limampu’t tatlo (53) ang kinasuhan nila kabilang ang dating collector ng Port of Manila na inihain nila sa Presidential Anti-Corruption Commission (PACC) kahit isa itong presidential appointee.
Kumbinsido si Lapeña na mayroon siyang nasagasaan nang imbestigahan niya ang pagkaka-release ng container vans sa kabila ng ipinalabas niyang alert order.
“Ang requirement diyan para ma-release is the order in writing ng commissioner at I have not issued that order of lifting nung alert order that’s why it was illegal and unauthorized release ng container van na ‘yan at ang dami kong natamaang players diyan, it looks like that they are getting back at me especially now na hindi na ako ang commissioner, but the truth will prevail.” Pahayag ni Lapeña
(Ratsada Balita Interview)
