Sukad gisugdan ang COVID-19 vaccine rollout sa mga senior citizens sa Cagayan de Oro niadtong Abril 29, muabot na sa 6,904 ka senior citizens with comorbidities o’ seniors nga dunay gihambin nga sakit ang nabakunahan, sigun sa City Health Insurance Office – Data Management Task Group, Mayo 16 ning tuig.
Prayoridad karon sa vaccination ang mga senior citizens nga dunay kontrolado nga balatian, busa atol sa pagpre-register importante nga ideklara ang tinuod nga health status.
Kini aron masayran kung duna ka bay sakit sama sa cancer or malignancy, cardiovascular disease, cerebrovascular disease, chronic kidney disease, chronic liver disease, chronic respiratory disease, diabetes, hypertension, immunodeficiency state, neurologic disease, obesity, tuberculosis ug chronic respiratory tract infection.
Target bakunahan ang 80,000 ka mga senior citizens sa syudad, apan anaa sa kapin 16,000 pa ang nakapre-register.
Mahimong magpre-register alang sa bakuna pinaagi ani nga link: https//vaccineprereg.cagayandeoro.gov.ph (City Information Office)