Sikop ang usa ka Lalaki sa gikasa nga Law Enforcement Operation sa mga personahe sa PNP Dipolog CPS kauban ang Rizal MPS ug 1st ZNPFC, didto sa East Poblacion, Rizal, Zamboanga del Norte, mga alas 8:36 sa gabii niadtong Marso 25, 2024.
Ang operasyon miresulta sa pagkasikop ni CARLOS D MANGUBAT, 48 anyos,minyo, usa ka mananagat, ug residente sa East Poblacion, Rizal, Zamboanga del Norte nga matod pa nakalapas sa kasong ESTAFA ubos sa Article 315 Par. 1(B) sa Revised Penal Code nga adunay Criminal Case Number A- 90846 nga giisyu ni HON. CHAD MARTIN PALER- Presiding Judge, Regional Trial Court, Branch 2, Dipolog City, pinetsahan Marso 22, 2024 nga adunay piyansa nga girekomendar nga mobalor sa P18,000.
Ang maong akusado gipahibalo sa iyang mga katungod sa konstitusyon pareho nga Miranda ug Anti- Torture Warning ug temporaryo nga gikustodiya sa Rizal MPS alang sa tukmang disposisyon. (Medalyn U. Borja)
(Source: Dipolog CPS)
