Pagadian City – Nasakote sa hiniusang pwersa sa awtoridad nga gipamunoan sa Provincial Drug Enforcement Agency kauban ang Regional Drug Enforcement Unit sa pagpangulo ni Police lieutenant Dominic Dalena ang lalaking ga order og marijuana online sa may Purok golden shower, Santa Maria Pagadian City. Ang akusado naila nga si Hendrixon Saguan Valdehueza aka Clyde, 32 anyos, Ulitawo usa ka Musician, residente sa Barangay San Pedro, Pagadian City ug usa ka High Value Individual.
Matud ni Lieutenant Dalena nga ika unom na kining parcel sa suspetsado kon asa gikan pa kini sa National, gibutyag sa suspect nga mi undang na kini sa pag-gamit sa ginadiling drogang shabu tungod makadaot matud pa kini kaniya ug nigamit nalang kini sa Marijuana aron tambal sa iyang hubak. Dugang pa usab ni Police Lieutenant Dalena nga pwede na kining ibaligya sa taas nga presyo tungod usa kini ka highgrade nga klase sa maong marijuana.
Atol sa operasyon nakumpiska sa kapulisan ang usa ka gamay nga tisa sa gituohang gipaugang dahon sa marijuana nga gipustos sa transparent plastic cellophane, nga mukabat sa 30 gramos ug mubalor sa 3,600 ka pesos ang market value niini. Nakumpiska usab ang usa ka unit sa N-Series android phone, usa ka gigisi nga stuffed toy, usa ka pouch sa J&T nga maoy gisudlan sa staffed toy nga mao usay gisudlan sa marijuana ug 4 ka libo ka pesos isip buybust money. Samgang ang dinakpan ang gikustodiya na sa PDEA ug RDEU ug giandam na ang kaso nga ipasang-at sa korte batok sa musikero.
(Wendel Cabrera, photo courtesy of PDEA ZDS)