Cebu City – Gibarugan gihapon ni Cebu Governor Gwendolyn Garcia ang gitakdang pagpatuman sa “mandatory use of wearable air purifiers” ngadto sa mga drives ug conductors sa mga public utility vehicles (PUVs), bisan pa man sa mga pagsaway ug gibato sa publiko batok kaniya.
Giklaro ni Garcia nga ang maong order alang lang sa nag operate ug buses, mini buses ug modern jeepneys.
Matod sa gobernador nga ang maong requirements nagsilbi lang nga “enhancement” ug wala mag “set aside” sa kasamtangan nga health protocols nga gipatuman kapin na sa usa ka tuig ug tunga.
“It was very, very clear that this would be as an added protection on top of the minimum health protocols that have been established, which we have been repeating since the start of this pandemic,” giklaro ni Garcia.
Nakahukom ang gobernador nga i uswag ang pagpatuman sa memorandum alang sa mandatory use of wearable purifiers ngadto sa Agosto 25, aron ang mga operators, drivers, ug mga conductor dunay dugang panahon nga maka kuha niini.
Gidepensahan ni Garcia ang pag gamit ug air purifier, ug matod pa nga dili kini maka daut sa nagsul-ob, ug maka dugang kini sa protection.
Gi cite sa gobernador ang daghang mga pagtoon nga naglakip sa ” Negative Ions and Their Effects on Human Health and Air Quality Improvement nga gi published sa International Journal of Molecular Sciences niadtong tuig 2018, ni Shu-Ye Jiang ug Srinivasan Ramachandran.
Gihimong ehemplo ni Garcia ang daghang mga national government sama ni Presidente Rodrigo Duterte, kinsa misul-ob ug air purifiers atubangan sa publiko.
“What is it really? Do you (DOH) have nothing against the use of necklace air purifiers? Or you have a stand against necklace air purifiers? I appreciate Usec. Vergeire’s (Health Usec. Ma. Rosario Vergeire) statement saying ‘hindi po ito nakaka-cause nang harm sa tao’,” gipasabot ni Garcia.
Gipahibaw ni Garcia nga mohatag ang Kapitolyo ang libreng supplementary vitamins sa tanang mga drivers ug conductors pagdugang ug proteksyon batok sa Covid-19.
“Our drivers and conductors also happen to be frontliners… They meet and interact with a lot of people who get on board and disembark their vehicles,” sigon pa ni Garcia.
Sa miaging semana, gi anunsyo sa gobernador nga mopatuman sa mandatory wearing of air purifiers sa mga PUVs, particular na ang kadtong way maayong ventilation.
(Jhon Tadlip)
(News & photo courtesy of Cebu Provincial Government)