Lalaki Patay Sa Pagpamusil Sa Polomolok, South Cotabato

Polomolok City – Patay ang 59 anyos nga lalaki human kini gipusil sa wala mailang suspek sa may National Highway Prk 1. Brgy. Crossing Palkan Polomolok South Cotabato.

Naila ang biktima nga si Rodolfo Dela Reyna, 59-anyos residente sa Prk. 15, Brgy. Polonuling sa maong lungsod.

Sa report nga gipagula ni POLOMOLOK MPS, sakay sa iyang motorsiklo ang biktima paingun mupalit ug pinya dihang mahitabo ang pagpamusil.

Gisulayan pa ug dala sa hospital si Dela Reyna apan gideklara kining dead on arrival sa doktor.

Sa karun naghimo pa ug pagpanubay ang POLOMOLOK PNP sa posibleng motibo sa krimen.