Cebu City – Girespeto sa opisyal sa Department of Education (DepEd) Central Visayas ang nakab-ot nga sanction sa Abelana National School (ANS) administration ngadto sa ilang mga tinun-an sa Grade 9 kinsa giingong nalambigit sa pag bully sa ilahang Math teacher diha sa usa ka group chat.
Una niini, gi impose sa ANS administration ang tulo ka adlaw nga suspension sa pipila ka Grade
9 nga mga tinun-an, kansang mga pangan gipugngan tungod kay mga minors, gumikan sa pagka lambigit sa sitwasyon.
Nagkanayon si DepEd-Central Visayas Director Salustiano Jimenez nga “corrective and not vindicative” ang pag deal sa education department labot niini.
“I will respect that, provided nga labi na first offense to sa mga bata and ang atoa man gud, ang sa school, to guide our learners, our students, and possibly, also to even orient our parents nga dili unta ang mga bata ingon ato ka harsh”, pasabot ni Director Jimenez.
“Pareha ra pud na kon ang atong teachers pod naay sayop, so ato pong i-correct, not necessarily nga atong idiretso nga makuan dayon labi na og tan-aw nato naa poy mga sitwasyon nga naka-aggravate or naka trigger. Gitan-aw both sides, dugang ni Jimenez.
Gihangyo sa opisyal ang mga estudyante nga mo respetar sa ilang mga magtutudlo ug mas mosabot sa ilang sitwasyon tungod kay padayon pa silang nag adjust sa distance learning.
Gipadayag ni Jimenez nga nakasabot siya sa plight sa mga tinun-an ug ang ilang preference sa face-to-face classes gumikan sa ka daghan sa mga challenges, pero iyang hangyo ngadto nila nga mag pasensyoso tungod kay ang “ranting or cyberbullying” dili epektibo sa pag settle sa mga butang.
“Before we react on something, we have to look into first the root cause, what really is the reason behind why it happened, matod sa opisyal.
Nahitabo ang giingong cyberbullying sa usa ka group chat sa mga estudyante ug sa mathematics nilang teacher, kinsa nasayran nga si Hans Machacon sa Abellana National School.
Ang anak ni Machacon nga si Laire Marie maoy ni share sa iyang Facebook account sa screenshots sa group chat nga nagpakita sa mga “harsh messages” sa mga tinun-an ngadto sa ilang magtutudlo labot sa instructions sa nagsingabot nga test.
Matod sa ANS administration niadtong Biyernes, Oktubre 1, nga nakab-ot nila ang verdict human sa careful deliberation, in compliance sa due process ug thorough perusal sa School Discipline Rules of Procedure subay sa gilatid sa 2000 DECS Service Manual.
“The decision is reached mindful of the welfare of all concerned. As a reminder to be keenly aware of their actions, whether personal or virtual, that can possibly hurt others and affect their status in this school. Proper decorum is a must. Empathy, kindness, and respect are basic virtues which are essential to becoming a contributing member of the society,” unod sa desisyon sa ANS administration.
(News & photo courtesy of Department of Education- Central Visayas | Abellana National School Administration | Laire Machacon’s Facebook account)