Gidakop sa mga otoridad ang usa ka 32 anyos nga lalaki nga notado sa pagpamaligya ug armas pinaagi sa usa ka entrapment operation sa Balongis, Balulang ning ciudad.
Dinakpan mao si Khen Enggana, olitawo, ug residente sa Barangay 33 ning ciudad.
Sigun sa kapulisan nga dugay dugay na nga panahon nilang gi tiktilan si Enggana ug gimonitor ang mga kalihokan niini.
Sa maong higayon naaktohan nila mismo ang pagbaligya sa usa ka kalibre 45 nga armas uban sa mga pakete sa gitoohang shabu
Giangko usab sa dinakpan ang iyang gibuhat nga pagpamaligya ug illegal nga armas apan gilimod niini ang kabahin sa drugas.
Kasong pagpanglapas sa RA 9165 o Comprehensive Dangerous Drug Act of 2002 ug RA 10591 o Comprehensive Firearms and Ammunition Regulation Act ang giandam batok kaniya.
Written by Cheleste Simene