Drug Enforcement Team sa Molave Municipal Police Station kauban ang Zamboanga del Sur Provincial Intelligence Unit, Regional Intelligence Unit 9, 1st Zamboanga del Sur Provincial Mobile Force Company, Josefina Municipal Police, Tambulig Municipal Police, Mahayag Municipal Police ug Dumingag Municipal Police nihimo og law enforcement operation pinaagi sa drug buy-bust sa Purok Maalagaron, Brgy. Blancia, Molave, Zamboanga del Sur 8:56 PM sa Disyembre 10, 2023.
Ang operasyon miresulta sa pagkasikop sa usa ka suspek ug pagkumpiska sa tulo ka gagmay nga heat-sealed transparent plastic sachet sa gidudahang shabu nga motimbang og 1 gramo nga adunay standard nga presyo nga PhP6,800.00, usa ka piraso nga PhP1,000.00 bill nga gigamit isip marked money ug duha ka piraso nga PhP1,000.00 boodle money. Ang mga nakumpiska nga drug items gidala sa Zamboanga del Sur Provincial Forensic Unit alang sa eksaminasyon samtang ang dinakpan gibalhog na karon selda sa Molave Municipal Police Station alang sa tukmang disposasyon.
(Source: PNP ZamPen)