Anaa na saluwas nga kahimtang ang usa ka lalaki kinsa Natusok sa mga deformed iron bars o kabilya human mibangga ang usa ka pick up sa nakabarikada nga construction materials daplin sa dalan sa Zone 1, Upper Bantiles, Barangay Bugo ning ciudad gahapon.
Biktima mao si si John Eric Lucagbo, 19 -anyos, molupyo sa Purok 1, Barangay Puerto samtang naila ang driver sa pick up nga si Bonifacio Romulo Putoy Jr., 57-anyos ug residente sa Tagoloan, Misamis Oriental.
Sa pakighinabi sa Radyo Ronda Team ngadto ni Police Station 6 Puerto Traffic Investigator Police Chief Master Sergeant Mark Anthony Okit iyang gibutyag nga Base sa ilang imbestigasyon, nagbaklay ang biktima sa dalan apan wala damha kalit lamang mibangga ang pick up sa nakabarikada nga construction materials hinungdan nga napadulong si Lucagbo sa mga kabilya.
Gipasalig usab sa driver nga abagahon niini ang gasto sa pagpatambal sa biktima ug andam kini nga makig negosar sa kabanay niini.
News and photo by Cheleste Simene
