General Santos City – Gikumpirma ni LT. Col. Michael Angelo Candole Commanding Officer, sa 38th Infantry Battalion, Philippine Army nga gamay na lamang gyud ang pwersa sa New People’s Army nga anaa sa ilang AOR.
Apan sumala pa sa opisyal nga bisan paman gamay nalang ang ilang ihap, wala gihapon nila kini ginabalewala tungod makamugna gihapon sila ug kahadlok sa Kumunidad.
Dugang pagbutyag ni Lt. Col. Candole nga aduna gayud pagpangrecruit nga ginahimo ang grupo sa NPA, kini tungod sa kagamay nalang sa ilang ihap.
Kini karon ang ginabantayan sa militar kung asa ilang ginasigurong dili makaduol sa kumunidad ang mga nasampit aron dili sila makapang-recruit ug miyembro hilabina sa komunidad nga anaa sa hilit nga dapit o anaa sa kabukiran.
Samtang usa usab sa ginagamit sa maong grupo sa pagpangrecruit mao ang issue sa pagdaug-daug, inhustisya, diskreminasyon, pagpangilog ug yuta ug daghan pa. (Giovanni Pasco)