Zamboanga del Sur – Patay ang usa ka lalaki human kini malumos sa Triton Island, Vincenzo Sagun, Zamboanga del Sur kagahapon Marso 7 2021, alas 3 sa hapon. Naila ang biktima nga si Clint John Ariosa Baluran lumulupyo sa Brgy. Poblacion, Kumalarang, Zamboanga del Sur.
Matod pa sa imbestigasyon nag snorkeling ang biktima kauban ang iyang mga higala ug naanod kini sa lawom nga parti sa dagat. Gumikan sa kusug nga current sa tubig, gibikugan daw matud pa ang biktima hinungdan sa iyang pagkalunod. Nisingit pa ug tabang ang higala niini apan wala na kini maluwas pa.
Gisulayan pa kini ug dala sa Margosatubig Regional Hospital apan gidiklara kining dead on arrival sa attending physician.
(Source: Pagadian News, photo courtesy by Jhonalyn Quinones)