- Advertisement -
Sunog nahitabo kagabii 10:18 PM, Marso 5, 2021 sa Quality Appliance Plaza; Fire Out alas 11:55 PM.
Padadjon pa an imbestigasyon human may nakakita na may tawo niambak sa 2nd floor sa building dihang nag aso na kini. An Quality Appliance Plaza nahimutang sa kanto sa mga dayan Magallanes sanan Amat, Surigao City.
Gibanabanang mokabat sa ₱ 7,875,000 an damyos sa sunog nga nahitabo kagabii sa Quality Appliance Center sa kanto sa mga dayan Amat sanan Magallanes ning syudad sa Surigao.
Sumala pa ni SFO4 Abel Dubduban, City Fire Marshall, alas 10:18 nakaabot sa ila an report ug pagka- alas 10:19 nan duyom miresponde an mga tinugyanan gamit an mga firetrucks sa Bureau of Fire Protection sama sa Rosenbauer, No. 4, Tanker, apil an Surigao Filipino-Chinese Volunteer Fire Brigade, penetrator, fire wolf sa CDRRMO, improvised water pump engine motor ni fire brigade Raul Sanchez. Pagka alas 11:30 nan duyom napayong an sunog. Nadepensahan isab sa kabomberohan an mga tapad na mga bayay niini ug waya na mokanat pa an kayajo.
An tindahan tagpanag-iya ni Thomas Yap, diin naapektohan an 2nd floor sa commercial building. Giisa sa BFP an 1st Alarm lamang sa maong panghitabo. Padajon pa an imbestigasyon sa hinungdan sa sunog ilabina na may mga silingan nakakita na may isa ka layaki niambak gikan sa ikaduhang andana dihang nagsugod na paggawas an aso sa building. (RPN DXKS Surigao)
(Videos courtesy by Kap Tata Galinea, credits to all photo owners that contribute to this post)
- Advertisement -