Cebu City – Nakamugna ug daghang reaksyon sa mga Sugboanon ang pamahayag ni Sen. Christopher ‘Bong’ Go atol sa kasaulogan sa ika-500 nga anibersaryo sa Kadaogan sa Mactan kagahapon sa Liberty Shrine sa Brgy. Mactan, Lapu-Lapu City.
Kini dihang gimensiyon ni Go ang teyoriya nga ang unang bayani sa nasod dil igikan sa Mactan.
Si Sen. Go, nga usa sa mga bisita sa okasyon, mipatugbaw sa teyoriya nga si Datu Lapu-Lapu usa ka Tausug.
Nagkanayon pa si Go nga mahinungdanong lingion ang kasaysayan ug korehian ang unsa may sayop aron hisabtan ang kamatuoran ug atubangon ang kaugmaon.
Sa iyang pakigpung, gihisgotan ni Go ang pangangkon ni Abraham Idjirani nga si Lapu-Lapu gikan sa Mindanao ug gitahasan sa kanhi East Kingdom of Sulu pag-abog sa mga Kastila nga midunggo sa pipila ka isla sa Pilipinas lakip sa Mactan.
Midugang siya nga kini ang hinungdan ngano nga kinasingkasing giila ni Pres. Duterte ang kabayanihan ni Datu Lapu-Lapu.
Matod sa Cebuano archeologist Jose Eleazar Bersales, kinsa nagtoon sa human history pinaagi sa excavation sa sites ug analysis sa artifacts ug ubang physical remains, nga si Senador Go posibling mikuha sa account gikan sa libro ni Dr. Danilo Gerona nga giulohan ug “Ferdinand Magellan, The Armada de Maluco and the European Discovery of the Philippines.”
“Most of what is known about Lapu-Lapu in recent times was embedded in folk myths and legends, heavily loaded with nationist discourse,” matod ni Bersales.
Ang pakigpung ni Go nakadawat sa kalagot ug kalibog sa pipila ka Sugboanon sa internet hinungdang ang subject nga Lapu-Lapu ug Mactan nahimong kabahin sa Twitter’s trending list.
Hinoon, ang uban wala mohatag ug dakong pagtagad o big deal sa maong isyu. (Jhon Tadlip/JTY)
(Source: Sen Bong Go’s Speech, photo courtesy by Junard “Ahong” Chan)
