Labi ng OFW na di umano’y pinatay sa Kuwait posibleng maiuwi na —OWWA

Posibleng maiuwi na sa bansa ang labi ng Overseas Filipino Workers (OFW) na di umano’y pinatay ng kanyang amo sa Kuwait.

Ayon kay Overseas Workers Welfare Administration (OWWA) Administrator Hans Cacdac, anumang oras sa loob ng linggong ito posibleng maiuwi ang labi ni Jeanelyn Villavende.

Sinabi ni Cacdac na tinatapos pa ang imbestigasyon sa pagkamatay ni Jeanelyn at inaasahang pormal na makakasuhan ang kanyang mga amo na sa ngayon ay nakakulong na.