Kuwait gov’t ‘di muna manghihingi ng med cert sa mga Pinoy

Hindi na muna ipatutupad ng gobyerno ng Kuwait ang paghingi ng medical certificate sa mga Pilipinong papasok sa kanilang bansa.

Ito, ayon sa Philippine Embassy sa Kuwait, ang napagpasyahan matapos idaos ang extra ordinary session ng gabinete ng Kuwait.

Nakasaad sa circular number 25 ng Kuwaiti Directorate General of Civil Aviation, ang mga Kuwait bound na Pinoy gayundin ang iba pang dayuhan ay kailangang magpakita ng Complete Medical Examination (PCR) certificate para patunayang wala silang 2019 coronavirus disease (COVID-19).