Kumpirmadong kaso ng COVID-19 sa QC inanunsyo ni Belmonte

Nadagdagan pa ang kaso ng 2019 coronavirus disease (COVID-19) sa bansa.

Ito’y makaraang i-anunsyo ni Quezon City Mayor Joy Belmonte sa kanilang flag ceremony kaninang umaga ang isa pang kumpirmadong kaso ng COVID-19 sa kanilang lalawigan.

Ayon kay Mike Marasigan, head ng Quezon City Disaster Risk Reduction and Management Council, wala nang ibinigay na iba pang impormasyon si Belmonte hinggil dito.

Bago ang naturang anunsyo, magugunita namang umakyat na sa 10 ang bilang ng kumpirmadong kaso ng COVID-19 sa bansa.