27.2 C
Manila
Friday, March 29, 2024

Konsehal Mabatid Gipasakahan Ug Kasong Libel Sa Kanhi Niyang Sakop

- Advertisement -

Cebu City – Gipasakaan og kasong libel ug defamation sa iya kanhing executive assistant si Konsehal Prisca Niña Mabatid sa dakbayan sa Sugbo kagahapon.

Si Roland Delos Reyes, nga una nang misang-at og reklamong kalapasan sa anti-graft corrupt practices act sa Ombudsman Visayas batok kang Mabatid, miingon nga napugos siya pagkeha sa konsehal aron pagpanalipod sa iyang pamilya.

Kini  nunot sa pagtawag sa konsehal kaniya og palahubog ug buang-buang sa giduso niining depensa sa Ombudsman.

Ang statements ni Mabatid nga gihatag sa  media gihulagway ni Delos Reyes nga personal na nga pagpangatake ilabi na sa pag-ingon sa konsehal nga wala siya sukad ma-hire ni bisan kinsang employer.

Gani, giingong gimensiyon pa ni Mabatid ang ginikanan ni Delos Reyes, butang nga nakaguba og samot sa ilang kadungganan nga sukad masukad  wa  malambigit sa kontrobersiya.

Gipasabot ni delos Reyes nga misang-at siyag kaso kay dihang unang gi-interview si Mabatid sa media miangkon man kini nga nakaila sa iyang ginikanan bisag dili tinuod ug gani, wa pa man sila magkakita.

Apan si Mabatid misalikway sa kaso ug miingon  nga lain na usab kining pagdaot sa iyang ngan.  (Jhon Tadlip/JTY, photo courtesy of City Councilor Prisca Nina Mabatid)

 

(Source: Phone Interview with Bob Malazarte over RPN DYKC Cebu)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -