Mas malinis na Boracay ang sasalubong sa mga turista.
Ito ang naging reaksyon ni Malay Mayor Frolibar Bautista kaugnay nang muling pagbubukas ng Boracay island sa mga turista.
Ayon kay Bautista, ilang buwan din kasing napahinga ang Boracay kaya’t mas gumanda at luminis pa ito.
Sinabi ni Bautista, nasa 2,000 mga turista ang papayagang makapasok sa isla.
Matatandaang simula noong Marso ay isinara sa mga turista ang Boracay island upang mapigilan ang pagkalat ng Coronavirus Disease (COVID-19).