Klase sa Cagayan suspendido na bukas

Kinansela na ni Cagayan Gov. Manuel Mamba ang klase sa mga paaralan sa lahat ng antas bukas, Nobyembre 18.

Ito’y ayon sa gobernador ay para maiiwas ang kanilang mga mag-aaral sa ano mang panganib dulot ng pananalasa ng bagyong ‘Ramon’ sa kanilang lalawigan.

Ginawa ni Mamba ang maagang anunsyo matapos itong irekumenda ng kanilang Provincial Climate Change and Disaster Risk Reduction Management Office.

Samantala, maliban sa lalawigan ng Isabela, ipatutupad na rin ng Cagayan Province ang liquor ban simula rin bukas ng umaga.