Davao del Norte – Pirmado na sa Davao del Norte Provincial Government, Municipality of Kapalong, Mindanao Development Authority (MinDA) ug Technical Education and Skills Development Authority (TESDA) ang Memorandum of Agreement for the Consolidated Package of Assistance to the Indigenous People of Davao del Norte.
Milagda sab ang Department of Labor and Employment (DOLE), Department of Social Welfare and Development (DSWD) ug National Commission on Indigenous People (NCIP) ingong timaan sa ilang suporta alang sa tribong Ata-Manobo ilabina ang Pabahay Program ni Gobernador Kuya Gob. Edwin Jubahib
Ilawom sa administrasyon ni Kuya Gob, daghang proyekto ang nakatutok ilabina sa kalamboan sa mga IPs nga naglakip sa libreng hospitalisasyon, Oplan TABANG, KAAGAPAY ug ang ginatos desenteng balay para sa mga Ata-Manobo ilabina kadtong nabiktima sa insurhensya.
“Karong adlawa dako kaayo ko’g pasalamat sa atong buotan Secretary Manny Piñol. . Ingon siya Gob unsa’y akong ikatabang labina sa mga IPs. Niingon ko: Sec naa ko’y gimugna nga pabahay sa Sitio Mundol. . Miingon si Secretary, Gob motabang ko kay ang trabaho sa MinDA para mangayo ug budget sa international ug ubang private agency nga adunay kasingkasing sa pagtabang sa mga kabus. Ug mao kini na-realize dayon. Gitawagan dayon niya ang atong buotang Secretary sa TESDA ug ni-reponse dayon si Secretary nga “di nato dugayon.” Usab mitubag ang atong NCIP, Secretary Capuyan. Ug wala pod nagpaulahi ang atong DOLE Secretary Bebot Bello ug ang atong DSWD Secretary Rolando Bautista. . ug ang atong head sa Eastmincom Lt. General Jose Faustino, ug ang atong 10th ID Maj General Ben Basiao ug ang atong Sanggunian,” pagsaysay ni Kuya Gob sa panagtapo sa mga ahensyang nasyonal ug lokal.
“Mga Datu sayod ko nga aduna kamo’y kasakit sa gobyerno sa dugay nang panahon, apan mao na kini ang panahon nga kamo ang gihatagan sa full attention ubos sa administrasyon sa atong Presidente Rodrigo Roa Duterte. . . Ang among proyekto karon mao ang bag-ong panimalay para sa tribo. . . Naningkamot mi nga makahigda namo sa tarong nga balay, nga inyong ma-experience nga ang gobyerno adunay equal nga serbisyo sa katawhan. . . Kinahanglan magka-hiusa na ta. Di namo dapat mag-NPA,” panawagan ni Kuya Gob ngadto sa mga tribal leaders sa mga IPs nga nag-awhag pa gani nga pa-surenderon kung duna sila’y paryenteng NPA.
Ug alang sa iyang mga ginsakpan, misaad si Sitio Tapayanon tribal leader Datu Bansing nga dili na gyod sila “mag-pahawid” pa sa NPA.
“Pasalamat mi nga nahimoan mi ug dalan nga tabang ni Gobernor ug ni Presidente. Gipasalamatan namo nga gitabangan mi sa goberno. Usa pod, ang kalisod namo nasulbad na. . Itandi nato sa unang panahon nga NPA pa ang nakahawid sa amo, perteng lisora kaayo. Karon nga goberno na mora’g hinay-hinay na mahaw-as ang among kalisod. Dili na, dili na kay natagamtam na namo ang kalisod. Dire lang mi magsuporta sa goberno. . Hiusa mi ang mga tribo nga naa na ta sa goberno,” panaad sa Datu.
Samtang padayong gitukod ang pabahay sa mga Lumad naghangyo sab sila alang sa eskwelahan, galingan (rice/corn mill) ug health center.
Atol usab sa paglagda sa Memorandom of Agreement, gihimo usab ang ceremonial Planting sa mga semilya sa Saging, Cacao, Ube, ug Lobe nga mamahimong panginabuhian sa mga lumad.(davnorpickmo//noyg | OIC Michael Manguhig, RPN DXKT Davao)