Nagtala na og unang kumpirmadong kaso sa coronavirus disease 2019 infection ang Brgy. San Jose sa General Santos City, human kini magpabiling “Covid-free” sulod sa milabay’ng pito ka bulan.
Sa pagpanubay sa RPN DXDX RADYO RONDA GENSAN, nasayran nga base gipagawas nga October 16 case bulletin sa Department of Health-Center for Health Development, gikataho ang pagpositibo sa usa ka locally stranded individual nga residente sa maong barangay.
Sa maong taho gikan sa DOH, nagpositibo ang nasampit atol sa gipahigayong RT-PCR test.
Ang maong 27 years old male patient ang nakauli sa siyudad niadtung October 15, gikan sa biyahe niini sa Metro Manila.
Samtang, sa gipagawas nga case profile sa GenSan-LGU, gikumpirma nga ang maong pasyente ang residente sa Ondok Gawan sa maong barangay.
Gumikan niini, sa 26 ka mga barangay sa siyudad, ang mga barangay sa Olympog ug Batomelong na lamang ang nagpabiling luwas sa virus. (Leo Marten Cellan | Jerome Llido)