Cebu City – Liboan ka kilo sa mga karneng manok ug baboy nga “unfit for human consumption” nga nasakmit ug gipang dispose sa National Meat Inspection Service( NMIS) 7 pinaagi sa paglubong ug sa thermal destruction sayo ning semanaha.
Gibutyag sa NMIS 7 nga nakasakmit sila ug ilang gipang dispatsar ang ilang gihulagway nga “unhygienically handled and transported nga mga karneng manok nga kuwang sa dokumento gikan sa Meat Inspection Certificate (MIC).
Mokabat ug kapin sa 287 ka kilo nga whole chicken, assorted chicken cut-ups ug assorted by products ang nasakmit gumikan sa kalapasan sa DA AO 5 series of 2012 ug DA Administrative Circular no. 01 series of 2012, Implementing Rules and Regulations Pursuant to Republic Act No. 10536.
Ang maong kompaniya wala maka presenta ug Meat Inspection Certificate samtang sakyanan nga gigamit wala maka comply sa rekisitos sa hygienic transport of meat.
Gipanglubong ang maong mga karne sud sa compound sa NMIS RTOC 7.
Niadtong Marso 25, 2021, dunay mokabat sa 4,481 ka kilo sa karneng baboy nga nanga daut ang gipa ubos sa thermal destruction.
Ang disposal pinaagi sa incineration gumikan sa pagka baho na sa karne ug dunay mga “bloody drippings” gikan sa imported nga pork rind ug pork liver.
Gisaksihan kini sa NMIS VII disposal committee, pinaagi ni Ms. Amalia A. Gayondato ug Mrs. Iris Angeli David.
Kini human sa subsub nga inspection ug monitoring sa plant officers sa mga cold storage.
Boluntaryo ra hinoon nga gi surrender sa meat owner ang maong mga karne human masuta ang condition sa mga produkto. (Jhon Tadlip/JTY)
(News & photo courtesy of National Meat Inspection Service-RTOC 7)