Cebu City- Miabot ug 219 ka mga minatay ang gilubong panahon sa Covid-19 sa publikong sam-ang sa sitio Tugas , Barangay Gun-ob , Dakbayan sa Lapu-Lapu bisan kon walay pagtugot gikan sa Local Government Unit nga maoy nanag-iya niini.
Kini ang gibutyag ni Lapu-Lapu City Mayor Junard “Ahong” Chan human masuta pinaagi sa ilang aktwal nga pagsusi sa maong menteryo nga dugay nang gisirado.
Sa Facebook live ni Chan, nasaksihan nga unsafe ang paglubong gumikan kay dili selyado ang mga nitso.
Matod sa Mayor nga nangalisbo na ang baho,niagas na ang mga duga ug ang mga kalabira nagpasad lang sa agianan.
Dugang niini nga naay mga lubnganan nga Makita ang lungon.
Nasayran nga daghan ang mga mitumaw nga reklamo labot sa overpricing sa “contractor” ngadto sa mga kabanay sa namatay hinungdan nga gipa imbestiga sa mayor tulo ka mga indibidwal nga nalambigit.
l via Jhon Tadlip