Cagayan de Oro – Mukabat 500 ka mga empleyado sa city hall ang misalmot sa ColorRun4Fun nga gipasiugdahan sa Human Resource Management Department alayon sa kasaulogan sa 123rd Philippine Civil Service Anniversary, kaganihang buntag, Domingo, Septiyembre 3, diha sa Rio de Oro Boulevard, ning siyudad.
Ang maong fun run eksklusibo sa mga empleyado sa city hall ug nabahin sa duha ka categories: 3km ug 5 km din ang mananaug sa matag kategorya midawat sa trophy ug exclusive t-shirt.
Midawat usab sa medal ang mga finishers.
Lakip sa misalmot si Chief of Staff Sheila Lumbatan sa City Mayor’s Office kinsa mao’y mirepresentar ni Mayor Klarex Uy diin iyang gisaysay nga sa pagpanarbaho, gikinahanglan usab ang kalingawan aron ma-recharge ang matag empleyado, maong tinguha sa maong fun run.
“This is not just a race. Let us take all this as a shared commitment towards excellent public service. Sa atong pagpanarbaho, dili lang siya mura og demonstration of our vigor and endurance towards public service, pero gikinahanglan gyud sad nga nga naa’y element of fun nga ma-recharge tang tanan, and this is it we open our celebration of the Civil Service month in a fun run.”
Nasayrang ang kalihokan usa usab ka fun run for a cause diin ang registration fee sa mga empleyado mapadulong sa mga kabataan nga anaa sa Calabrian Children’s Foundation.
News and photo courtesy of Cagayan de Oro City Information Office