Cagayan de Oro City – Agig tubag sa padayon nga hulga sa coronavirus disease (COVID-19), ang Department of Public Works and Highways (DPWH)-10 mopabarog sa kapin 500 ka mga isolation units sa nagkalain-laing probinsya ug syudad sa rehiyon 10. Sa bulan lamang sa Oktubre, aduna nay 300 ka mga isolation units ang natukod sa Lanao del Norte, 240 sa Iligan City ug 60 sa Lanao del Sur. Matud pa sa DPWH-10 nga nakompleto na ang maong mga isolation units ug ila na kining naturn-over sa mga local government units.
Aduna pay nagpadayon nga konstruksyon sa isolation units sa Macasandig (56) ug Upper Puerto ning dakbayan sa Cagayan de Oro nUg sa dakbayan sa Oroquieta sa Misamis Oriental nga adunay 90-bed capacity. Aduna usay giproposed nga isolation units sa Gingoog, Misamis Oriental.
Alang sa syudad sa Iligan, gidayeg ni Regional Director Adriano Suba-an sa Department of Health-10 ang LGU niini tungod sa pag-convert sa wa magamit nilang luna sa yuta ngadto sa isolation o temporary treatment facility (TTMF). Sa pikas bahin, gidayeg usab ni Director Suba-aan ang inisyatiba sa Cagayan de Oro sa pagmugna sa 7-bed capacity isolation unit sa barangay San Simon.
(Philippine Information Agency-10)
