Cebu City – Nahukman sa Sinulog Foundation Inc. (SFI) ug working committee sa Sinulog 2021 nga ikansela ang physical Grand ritual showdown nga giplanohang ipahigayon unta sa South Road Properties (SRP).
Sa giluwatan nga opisyal nga pamahayag sa SFI, ilang gi ponto nga pinasikad sa talahurong nga Mayor Edgardo Labella , og papakig-uyon sa sugyot sa mga kaubanan ubos sa local nga pangagamhanan sa Dakbayan sa Sugbo, ang SFI og mga nangulo alang sa kasaulogan sa Sinulog Festival, human sa makuti og ma inangpingon nga pagtuki sa tanang mga kahigayunan ingon man sa pagsanong sa mga kabalaka sa mga Sugboanon.
” Nakahukom sa dili na pagpahigayon sa mga nahiunang gitakda nga actual physical nga pagpahimutang sa sangka sa sayaw sa kadalanan, ingon man sa ritual nga pagpasundayag ngadto sa South Road Properties ( SRP),” tipik sa napatik nga pamahayag sa SFI.
Hinoon, ipatuman ang mga bag-o mnga mga lakang alang sa pagsiguro sa luwas ug hapsay nga pagpadagan sa Sinulog Festival pinaagi sa online o virtual nga pasundayag, nga mahimo nga masaksihan sa mga sumosunod sa maong kalihukan sa ilang tagsa tagsa ka mga panimalay.
Ang SFI midugang sa pagpasabot nga ang tanan nga mga misalmot sa maong kalihukan, dili na sab kinahanglan nga mo biya sa ilang tagsa tagsa ka mga lugar, og ngadto na mismo ipahiyon ang pag record sa ilang ritual nga pasundayag ingon man ang pag hukom niini.
Dunay pahinumdum ang SFI ngadto sa mga entrante og sa ilang mga pangulo sa delegation sa hugot nga pagtuman og pagsubay sa mga gitakda na mga lagda kabahin sa mga protocol sa panglawas og seguridad.
(Jhon Tadlip, photo courtesy of Official Statement-SFI | Sinulog Dancers Facebook page)
(Source: Sinulog Foundation Inc.)