Gidakop sa mga awtoridad ang laing retiradong opisyal sa Philippine Army nga gitumbok nalambigit sa pagpatay kang Atty. Joey Luis Wee sa dakbayan sa Sugbo.
Nailhan ang gisignit sa mga sakop sa National Bureau of Investigation o NBI-7ngasi Ret. Col. Edwin Layese.
Atol sa press conference, si Atty. Renan Augustus Oliva, director saNBI-7, namahayag nga ilang nasuta nga si Layese nalambigit usab sa pagpusil kang Atty. Joseph James Gupana sa Pajac, Lapulapu City.
Suma pa ni Oliva, samtang ilang gisusi ang nahitabo kang Atty. Wee, ilang namatikdan nga managsama ang profiles sa mga tawong nalambigit sa duha ka kaso.
Si Layese nasikop sa vicinity sa Fuente Osmeña, dakbayan sa Sugbo niadtong Enero13.
Matod ni Oliva, mag-atubang si Layese og kasong murder ug illegal possession of firearms.
Nagsilbi siyang chief of security sa usa sa mga business districts sa siyudad ug kanhi director sa Philippine Drug Enforcement Agency sa pipila ka dapit sa Mindanao ug sa Western Visayas.
Si Layese gradwado usab sa Philippine Military Academy o PMA Class Bantay Laya 1994.
via Jhon Tadlip/JTY
Source/Photo: NBI-7