Nakabsan gyud sa kinabuhi ang usa ka anak human gidunggab sa mismong niyang amahan atol sa Kalag-Kalag.
Ang krimin nahitabo niadtong Nobyembre 1, 2024, didto sa Sitio Siniguelas, Brgy. Sta. Cruz, lungsod sa Ronda, Sugbo.
Ang biktima giila sa Ronda Police Station na mao si Michael Ugbaniel 29-anyos, samtang suspek na iyang amahan mao si Moises Ugbaniel, 52-anyos, pulos sila lumulupyo sa maong lugar.
Sa imbestigasyon sa kapulisan nasayran nga ang amahan ug anak nagkalalis sa wala pa nahitabo ang krimin sa ilang mismong balaya.
Matod pa nga giingnan sa biktima nga buyboyan ug isipan ang suspetsado nga amahan na maoy hinungdan nga niulbo ang kasuko niini.
Sa kalagot nikuha og kutsilyo ang amahan dayon dunggab sa makadaghang higayon sa iyang anak na maoy hinungdan sa kamatayon niini.
Hinuon wala nagdugay ang maumuno nasikop ra kini sa kapulisan, sa pagkakaron giandam na ang kasong parricide batok sa mismong amahan nga niunay sa pag dunggab sa iyang anak. (Renante Socia Lada)