Nadakpan na si Joel Apolinario, ang founder sa KAPA atul sa gisilbi nga search warrant kaniya kaganihang alas 7:30 sa buntag Hulyo 21, 2020 didto sa isolated resort sa Brgy. Handayaman, Lingig, Surigao del Sur.
Si Joel Apolinario y Abatonon, 46 anyos minyo, founder sa Kapa Community Ministry International giadtuan sa joint elements sa RSOG, SDS, SAF, RPSB, 1st PMFC, R2, Lingig MPS sanan Coastguard tungod sa warrant of arrest nga gi-issue ni Judge Gil Bollozos sa RTC Branch 21, Cagayan De Oro sa kasong Sydicated Estafa na wayay piyansa sanan Search warrant tag issue ni Judge Catalina Shineta M Tare-Palacio with SW nr 2020-04 for Vio of RA 9516 & RA 10591.
Tagdakop si Joel Apolinario ug ang laing 23 ka mga lalaking body guards uban ang pagsakmit sa 30 ka M16 rifle, 2 ka M4, 1 ka garand rifle, 3 ka 60 caliber machinegun, 1 ka Cal 50 sniper rifle, 3 ka Cal 22 rifle, 1 ka carbine, 1 ka shotgun, 2 ka RPG rifle, 5 ka cal 45 pistol, 2 ka rocket propelled grenade ug daghang mga bala.
Usa ka lalaki ang napatay ug laing usa samdan sa wala nga bitiis dihang sila misukol sa mga police.
Giila ang samdon nga naa karon sa Bislig City Hospital nagpatambal nga mao si Melecio Siano.
(Lingig PNP | Mark James Lisondra, Ronda 21 RPN DXKS)
