Isa ka aksidente ang nahitabo kagabie sa alas 10:00 ang takna sa Purok 4, Brgy. Hayanggabon, Claver, Surigao del Norte.
Ang mga nalambigit duha ka mga motorsiklo:
Motorcycle 1 Isa ka Honda nga may plate no. LP 6588 nga gimaneho ni Efren Jose Jr, 27 anyos, menyo, residente sa Brgy. Cagdianao, Claver, SDN.
Motorcycle 2 Isa ka rusi nga gimaneho ni Paquito Maribojoc Moreno Jr, 36 anyos, ulitawo, residente sa Purok 5, Brgy. Taganito, Claver, nakilay-an usab ang angkas sa motor nga si Angel Khate Pebora Hamot, 15 anyos, estudyante, residente sa Purok 4, Brgy. Taganito, Claver, Surigao del Norte.
Sa imbestigasyon sa kapulisan sa Claver nasayran nga pasingod sa Brgy. Cagdianao, Claver ang driver sa Honda samtang ang driver sa Rusi ang pasingod sa Taganito, Claver. Paghinadangat sa lugar nga did-on nahitabo ang aksidente, nagkasungag ang duha ka motorsiklo tungod sa kapaspas sa ila jagan.
Tungod sa kakusog sa impact, grabe ang nahiagoman nga bun-og sanan samad ang driver sa Honda nga motorsiklo samtang ang driver sa Rusi ang dead on the spot tungod sa pagkabagbag sa uyo sa sementadong dayan. Patay usab ang angkas nga babaje gikan pagkatumba sa motorsiklo kini human naligsan sa isa ka sakyanan nga waya masayri hangtod sa pagkakuman.
Ang driver sa Honda ang naadmit sa Caraga Regional Hospital samtang ang driver sa Rusi sanan ang angkas nga babaje ang nakahaya kuman sa Gades Funeral Service sa Brgy. Campo, Bacuag.
(Mark James Lisondra, Ronda 21 RPN DXKS)
Pictures courtesy of PJack Linz & Kijie Casindac
