Sa isa ka special on line meeting nan Union of Local Authorities of the Phils. nan jadton nakalabay na semana, tagpahibayo ni Sr. Board Member Myrna Romarate, sakop nan Natl. Executive Board nan ULAP nagrepresentar sa Board Members League of the Phils. na ija tagpaabot partikular kan Sec. Carlito Galvez Jr., an Chief Implementer nan National Task Force on Covid 19, na nahimong resource person sa naasoy na meeting, an tinguha na itugot na pagbalik an backride sa MOTORSIKLO.
Laong ni BM Romarate na sa unang reaksion namalibad si Sec. Galvez tungod kay mapildi man an katujuan nan social distancing, hinuon nodason matud pa pagsulti si Sec Galves na ija ipaabot sa Inter Agency Task Force on Covid 19 an tinguha na tagduso ni Bm Romarate. (Jhino Parrucho | Ronda 10 | RPN DXKS)
