Una nang girespondihan sa Surigao City Fire Station nga gipangulohan ni SFO1 JOED S. ODVINA ang nahitabong disgrasya kagaina sa may Purok Rosal, Brgy. Quezon, Surigao City sa may alas 6:30 ang takna sa buntag.
Sa pakighinabi sa Radyo Ronda kay SFO1 JOED S. ODVINA nasayran nga nakadawat sila nan tawag pasado na alas 6:45 ang takna sa buntag gikan sa Incident Command Center sa City Mayor’s Office nga may aksidente ang nahitabo sa maong lugar.
Sumala pa ni SFO1 Odvina nagkanayon nga ang nalambigit nga vehicle isa ka Isuzu Elf Truck color blue nga may plate no. NBO 7128 nga gimaniho ni DOMINGO GEONZON HERMOSORA, 71 anyos, menyo, samtang ang pasahero nga iyang asawa nakilay-an nga si VILMA CAPILITAN HERMOSORA, 54 anyos, parehong residente sa Block 4 Sacred Heart, Purok Bagan, Cuambogan, Tagum City, Davao del Norte.
Sumala pa ni SFO1 Odvina nga mitawag pa sila nan Special Rescue Unit sa BFP para isa-isahon pag bungkag ang truck para madali pagka tangtang ang na ipit na biktima sa tuo nga portion sa truck.
Sa pakighinabi sa Radyo Ronda kay DOMINGO GEONZON HERMOSORA nasayran nga naka tuyog siya samtang nagmaheno sa ija truck nga kargado nan tubo, g.i.sheets, sanan plywood dajun nawad-an nan kontrol deretso nahuyog sa tuo nga kanal. Nakaangkon nan bun-og sanan samad ang asawa nga dali tagdaya sa Caraga Regional Hospital.
(Mark James Lisondra, Ronda 21 RPN DXKS)
Pictures courtesy of BFP SRU Caraga