Isang PUI na 80 anyos na babae nasawi

Nasawi ang isang 80 anyos na babaeng persons under investigation (PUI) bago pa man lumabas ang pagsusuri sa kaniya sa coronavirus disease (COVID-19).

Sa isang pahayag na inilabas, sinabi ng Angono Medics Hospital Inc., na isang pasyente mula sa Taytay Rizal ang na-admit noon Marso 10 matapos makaranas ng diarrhea sa loob ng apat na araw.

Napaulat na nakaranas din ng respiratory problems ang nasabing pasyente.

Sa ngayon, nasa dalawa na ang kumpirmadong kaso ng COVID-19 sa Rizal kung saan isa rito ang nasawi.