Pigdeklara an “fire under control” kan BFP Naga sa pamamayo ni Fire Marshal Peter Paul Mendoza sa oras na 11:40 p.m kaso banggi Mayo 19, 2022. asin “fire-out” sa oras na 12:02 nin pagka-aga.
Natumtom kan kasulo an 5 kaharugan sa gilid kan tinampo na kadaklan gibo sa kahoy. Igwa man mga paarkilahan an nasulo na yaon sa assesment pa kan Naga City Fire Station.
Mayo nin casualty o binawian nin buhay sa nasabing mamundong insidente. Alagad igwa nin sarong menor de edad an pigdara sa NICC Doctors Hospital na yaon man sa ligtas na kondisyon. Lima (5) an nag-evacuate sa Barangay Hall kan Bagumbayan Sur na yaon na ngonian sa pangataman kan barangay asin CSWDO. An iba pigsurundo kan saindang mga kapamilya.
An Ciudad nin Naga nagpapasalamat sa pagresponde kan minansunod:
– Bureau of Fire Protection Bfp Naga
– BFP Canaman
– BFP R5 Gainza Fire Station
– BFP R5 Milaor
– BFP R5 San Fernando Camarines Sur
– BFP R5 Magarao
– Naga White (Naga City Filipino-Chinese Volunteer Firefighters inc.)
– Naga City Chin Po Tong Volunteer Fire Brigade, Inc,
– SARU-CDRRMO, EMS-Naga City Hospital
– SRU-BFP Naga
– Edmero Camarines Sur
– Kabalikat 30 Naga
– Gryphon Bicol.
An Public Safety Office, PNP Naga NCPO, mga Tanod asin Opisyales kan Barangay Bagumbayan Sur an nagturuwang tuwang sa pagasikaso kan seguridad asin trapiko.
An crew kan CASURECO2 yaon naman sa lugar para maibalik an supply kan kuryente.
An detalyadong investigation report kan insidente ipapaluwas kan BFP Naga.
(Source: Mayor Nelson Legacion Facebook page)