Manamnama nga ad-adu pay a “dignitaries” iti benneg ti nasional ken manipud iti sabali a pagilian ti umay iti Ilocos Norte.
Daytoy ket kalpasan a nagund-ud ni Pres. Elect Ferdinand bongbong Marcos Jr. ti mayoridad a butos dagiti Filipino.
Kaunaan a bimmisita ditoy ilocos norte kalpasan ti proklamasyon dagiti baro a nabutusan nga opisial ditoy probinsia ni second sec. Peter Wright ti embahada ti Canada.
Mamati ni Gobernador Matthew Marcos Manotoc a daytoy ti pangrugian ti ad-adda pay a pannakapasayaat ti relasyon ti Ilocos Norte iti gobierno ti Canada.
Immun-una ngem iti daytoy, nagsasaruno dagiti dignitaries nga immay bimmisita ditoy probinsia a pakaibilangan ti ambassador ti Australia, deputy ambassador ti Australia, ambassador ti Germany, dignitaries manipud China ken dadduma pay.
Maammoan nga indiaya dagitoy ti tulongda iti kalikagum ni Gob. Marcos Manotoc a mangpataud iti naruay a pagtrabahoan para kadagiti kakailian. (Rodrigo Sadian)
(Source: Provincial Government of Ilocos Norte)