Matiner sa full alert status an linya nin kapulisan sa rehiyon sa bilog na panahon nin kuwaresma.
Iyan an kinumpirmar kan PNP-Biol sa sarong entrevista kun saen padagos soboot an saindang lado sa pagbantay laban sa mga elementong mapulbar na maggibo nin kararatan ngunyan na Lenten season.
Nagbaba naman soboot nin kasuguan si PRO-5 Regional Director PBGen. Jonnel Estomo sa gabos na mga police units asin istasyon sa rehiyon tanganing mas lalong pakusugon an saindang patrol operations asin ciertuhon an kahandaan na magtao nin asistensya sa komunidad.
Kumo parte nin preparasyon, madeploy soobot nin mga Road Safety Marshalls sa mga convergence points, partikular sa bus terminals, eropuerto, seaports, recreational areas kaibahan an mga crime-prone areas siring man mabugtak sinda nin mga police assistance desks para magtaong asistensya sa publiko tanganing macierto na uutubon an mga health protocols kontra covid-19.
Mientrastanto, kasabay kaini, padagos man soboot an kapulisan sa rehiyon sa pagpapakusog kan saindang anti-criminality operations kumo preparasyon sa posibleng pag atake kan New People’s Army (NPA) na macelebrar kan saindang anibersaryo ngunyan na Marso 29.
Kasabay kaini, liwat na pighagad kan director an padagos na kooperasyon asin suporta kan publiko sa saindang kampanya na mamantiner an katoninongan asin katanosan lalo na ngunyan na harani na an National asin Local Elections.
Source: Bicol News & Updates