Cebu City – Moduso ug dugang stratehiya ang Department of Health Central Visayas pagpa kusug sa Covid-19 vaccination coverage sa tanang highly populated low performing areas sa rehiyon, nonot sa pagtumbok sa gikonsidera nga performers.
Sa iyang Cregional situationer report, Biyernes, Marso 18, 2022, matod ni DOH 7 Director Jaime Bernadaz nga naka identify sila ug low performing local government units (LGUs) dili lang sa vaccination sa general population,lakip na sab sa senior citizens.
As of Marso 17, ang 10 ka mga low performing LGUs sa lalawigan sa Sugbo in terms sa 80 percent vaccination sa total eligible population naglakip sa Aloguinsan, Tabogon, Alegria, Tuburan, Dumanjug, Dalaguete, San Franciso, Tabuelan, Carcar City ug Pinamungajan.
Sa Bohol, gi identify ni Bernadas ang Buenavista, Cortes, Talibon, Getafe, Bien Unido, Inabangan, Danao, Trinidad, Carmen ug Catigbian.
Samtang sa Negros Oriental, ang mga low performing LGUs naglakip sa La Libertad, Siaton, Manjuyod, Guihulngan City, Sta. Catalina, Mabinay, Jimalalud, Bindoy ug mga syudad sa Tanjay ug Bais.
As of Marso 17, sigon pa ni Bernadas nga ang lalawigan sa Sugbo naka bakuna lang ug 41.75 percent sa ilang 245,782 ka mga senior citizens, samtang ang Negros Oriental naka bakuna lang ug 47.60 percent sa ilang 119,
450 seniors.
Sa probinsya sa Sugbo, ang mga LGUs nga dunay labing dakong targets sa senior citizens nga bakunahan mao ang
Balamban, Bantayan, Barili, Syudad sa Carcar, Daanbantayan, Dalaguete,Pinamungajan, San Fernando, Dakbayan sa Talisay, Consolacion ug Tuburan.
Sa Negros Oriental, ang mga LGUs nga dunay dakong targets sa seniors citizens mao ang Bindoy, Canlaon City, Bayawan, Guihulngan, La Libertad, Manjuyod, Sta. Catalina ug Siaton.
Samtang ang Siquijor ubos na sa New Normal o Alert Level 1; ang ilang low performing LGUs mao ang Lazi, Maria ug San Juan.
Nagkanayon si Bernadas nga ang lalawigan sa Sugbo ug Negros Oriental duna pay dakong target sa senior citizens nga bakunahan aron makab-ot ang 68 porsento nga vaccination ratio.
Gipahibaw sa direktor nga ang DOH 7 mo deploy ug mga empleyado nga mo uban ug mopahigayon sa pagpangandam sa mga barangays pag encourage sa mga senior citizens kinsa mag dumili nga mabukanahan atol sa mobile vaccination efforts sa mga LGU.
Ila sab nga i reorient ang mga health workers pinaagi sa DOH-deployed employees nga mo totok sa panginahanglan nga mahatagan sa reassurance ug emotional support atol sa pagpang bakuna. (Jhon Tadlip)
(News & photo courtesy of DOH-7)