30.9 C
Manila
Friday, March 29, 2024

General Santos: Pipila ka job order workers sa LGU GenSan ni-angal sa kadugay sa ilang sweldo

- Advertisement -

Ni-angal ang pipila ka Job Order workers sa LGU Gensan gumikan sa kalangay sa ilang sweldo sa tuig 2022 ug gihulagway nga abnormal nga kahimtang sa pasweldo dili susama sa ubang LGU.

Visit RPN DXDX General Santos

Sa pahayag sa usa ka job order worker nga nagpatawag sa bansagon nga Ronie gikan sa opisina sa Civil Security Unit kon CSU, ang ilang sweldo alang sa bulan sa Enero kaniadto lang Marso 16 nila nadawat, nagpasabot nga usa ka bulan ug tunga bag-o na-release sa LGU Gensan.

Wala daw sila nasayod sa hinungdan kay ang ginatudlo ang ilaha daw nga liason officer, apan naanad na daw sila niini sukad nga nakasulod sila sa trabaho isip Job Order worker sa LGU Gensan, gitawag usab niini nga normal nga abnormal ang ilang pasweldo.

Samtang sa City Budget Office pinaagi ni John Quemosing sumala niini nga aduna may pondo alang sa pa sweldo o honorarium sa mga job order workers ug sa ilang opisina wala man nagalangay sa susama kadugay basi sa concern sa taga CSU.

Gilayong gisusi ni Quemosing ang concern ug nasuta niini nga ang rason daw nganong nagdugay ang sweldo kay nadugay usab ang paggawas sa ilang job order contract gikan sa Mayor’s office sa ilang pag-renew.

Gidugang ni Quemosing nga unom ka bulan ang bag-ong kontrata sa mga job order workers ug bahala na niini kon si kinsa ang makapungko nga mayor kon ipadayon o dili ang ilang pag trabaho sa city hall. (John Rey Somido)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -